Sar-E-Tour Ho, Sar-E-Hashr Ho, Humein Intezar Qubool Hai


Meri Zindagi To Firaaq Hai, Wo Azal Se Dil Main Makee’n Sahi
Wo Nigaah-E-Shoq Se Door Hain, Rag-E-Jaa’n Se Laakh Qaree’n Sahi

Humein Jaan Deni Hai Aik Din, Wo Kisi Tarha, Wo Kahee’n Sahi
Humein Aap Khinchiye Daar Par, Jo Nahi Koi To Hum Hi Sahi

Sar-E-Tour Ho, Sar-E-Hashr Ho, Humein Intezar Qubool Hai
Wo Kabhi Milein, Wo Kahee’n Milein, Wo Kabhi Sahi, Wo Kahee’n Sahi

Na Ho, Un Pe Jo Mera Bas Nahi K Ye Aashiqi Hai Hawas Nahi

Jo Ho Faisla Wo Sunaaiye, Issay Hashr Par Na Uthaaiye
Jo Kare’n Ge Aap Sitam Waha’n, Wo Abhi Sahi, Wo Yahi’n Sahi

Usey Dekhne Ki Jo Lau Lagi To Naseer Dekh Hi Len Ge Hum
Wo Hazaar Aankh Se Door ho, Wo Hazaar Parda-Nashee’n Sahi